Meri marzi ka jahan

Meri marzi, meri arzi pai chalta hai yeh mera jahan

Hai yeh tasveer merey jahan ki, jo hai sarey jahan sey juda!!

Qatra-Qatra, Leherleher, chappa-chappa judkar banti hai kaynaat yahan

Sham –o-shehar, neend-o-nazar mai khwabon ki rangeen bastiyan

Naya-purana, tootataza, sab tarah key rishton ka karvaan

Azaad khayal, bebaak zubaan, aankhon mai unchaye manzar yahan

Meri marzi, meri arzi pai chalta hai yeh mera jahan

Hai yeh tasveer merey jahan ki, jo hai sarey jahan sey juda!!

Yahan bastey nahi Raqeebon key nishaan

Milti nahi berukhiyan yahan

Yeh jahan hai merey baakpan ka

Bas milti hai yahan beshumaar khushiyan!!!

Meri marzi, meri arzi pai chalta hai yeh mera jahan

Hai yeh tasveer merey jahan ki, jo hai sarey jahan sey juda!!

Na naam kisika, na kiski ka hukm chalta yahan

Na shohrat kisi ki, na sikka zulmi ka jamta yahan

Yeh jahan hai rehm-o aman ka merey rehbar

Yeh jahan hai shanti key paigaam ka..

Meri marzi, meri arzi pai chalta hai yeh mera jahan

Hai yeh tasveer merey jahan ki, jo hai sarey jahan sey juda!!

Yeh chaman hai muhabbat ka, hai marasimon ka baagban

Chalta zor nahi zalimon key yaraney ka yahan

Yeh chaman hai phoolon sey bhara, geeton sey mehka

Bas le jaye khushbuein saath, jo aaye ikbaar bhi yahan!!

Hai yeh tasveer merey jahan ki, jo hai sarey jahan sey juda

Meri marzi, meri arzi pai chalta hai yeh mera jahan!!

Bindyanil